2011年4月24日星期日

菠蘿包+芝士棒 - 象印麵包機




菠蘿皮用左金黃幼砂糖
變左朱古力色



菠蘿包個皮係朱古力色有點怪....哈哈.....
麵團一半做菠蘿包一半做芝士棒.....




焗好又再變色變左淺咖色




朱古力色版既菠蘿油


前日開始係復活節假, 放假應該可以瞓晏一點, 但係偏偏可以瞓得晏既時候一定會早醒, 醒來時一點睡意都沒有, 開工整包等老公同囡囡起身都得. 

好耐無做菠蘿包見有臭粉在家還有一包快要到期的幼金黃砂糖快快把它幹掉方為上策, 搓好個皮變左朱古力色, 焗好再變淺.... 看上去有點不順眼, 不過千萬不要以貌取人, 合起雙眼放入口中還是菠蘿包一個. 

夾執片牛油~~~~ 馬上變身菠蘿油~~~~ 正~~~~

食還是跟以前做的那個一樣.....  

合桃酥 - 光波萬能煮食鍋(光波爐)



搓好的麵團用上金黃幼砂糖
所以變成棕色


出爐後因為太鬆可以不能移動
只好在烘碟上放涼


今次係跟光波既食譜做, 做出黎好鬆化有點似之前做過既 mrs. field cookies 非常鬆化~~~ 材料係都幾似差別在一個有臭粉一個無, 一個有麥皮一個無~~~ 又有可能同我用上金黃幼砂糖做有關~~~~ 其實不是刻意用這糖只是快要到期, 想盡快用完以免浪費材料. 

這個食譜是在光波爐網站搵到, 人家是做一口酥, 已經搓到似湯圓大小, 但係出黎發大了一點不能成一口酥...... 食既時間因為實在太鬆化.

合桃酥

低筋麵粉 300g

金黃幼砂糖 1/2 杯 (原食譜為白砂糖)

牛油 150g

泡打粉 1/2 茶匙

雞蛋 1 隻

食用臭粉 1/2 茶匙

椰茸 50g (我這個沒有加, 原食譜有)

合核粒 適量

牛油置室溫回軟備用, 麵粉過篩, 將所有材料混合成團, 建議揉成柱體同保鮮紙包好放雪櫃雪 2 小時, 完成後將麵團切小粒再壓成小圓型表面放上合桃輕壓, 再放上掃了牛油的烘盤上.

低架 160 度焗 12 分鐘或至金黃即可.



2011年4月22日星期五

黑糖麵包 - 象印麵包機


又手多發完第一次攞個包出黎
整番圓d就攪成咁頂部有列痕



無咩好睇.... 窿窿有點大
用左黑糖包包色水好馬拉糕 feel 



女人總有一樣物件會敗家 - 化妝品、買鞋、買衫、買袋、買小家電

相信總有一樣中左

唔知你又中左邊樣呢?

之前係日式超市見到有黑糖賣

記起見過 "我心麵包" 入面的食譜有黑糖麵包

心痕痕買了一包試下


黑糖麵包

水 95g

蛋 35g

高筋麵粉 230g

黑糖  35g

鹽  2g

酵母 2g

牛油  50g <--- 好多好得人驚, 以為食譜印錯, 但係佢有個大份量同樣牛油一樣多 75g


除牛油外放入麵包機程式 soft, 麵團搓成型後放入牛油, 等食~~~~ 哈哈

2011年4月18日星期一

一機兩味之小麥胚芽包包 - 象印麵包機




麵包機搓麵團加發酵完成後
一分麵團整做型包

麵團有點濕所以要加手粉
搓成這個型狀




再用麵粉棍推開後表麵搽小許油/牛油後
卷起




唔記得左影卷起後既 size 
這個時終極發酵的樣子



180 度 20-25 分鐘



麵包機搓麵團加發酵完成後
一分麵團卷起放入麵包模
見網友們紛紛做起都放麵包模試下
跟大家做一次我用 soft 程式發酵左
第一次跟手分麵團再入模



得左.... 不過時間好難控制佢發成點
所以加左蓋沒有再理由得麵包機待勞
食譜跟上次不過分量加大左只係酵母分量無加大

2011年4月17日星期日

自家製乳酪


偷懶用微波爐加熱鮮奶至 40 度
攪點就放入暖水座著加蓋昨晚做瞓醒就得



今朝起身第一件就去檢查一下
見到好多氣孔唔知點解





得左喎但係無咩乳清, 唔知道係咪我既屈機做法所以無咩
如果有乳清就倒左佢


豆花狀



根據網友講豆花狀攪下佢會變番乳酪狀
但係會係稀一點再放雪櫃雪凍就會傑身照做



雪好真係傑身左


加左士多啤梨果醬又攪稀左


終於試下做乳酪

因為不知道會否成功所以做了 500ml 分量

根據各方網友提示下

在沒有機的情況下可以這樣做

將用具洗乾淨放入煲內大火煮熱作消毒

用微波爐加熱至鮮奶 40 度我這樣做有點屈機

正確做法係鮮奶煮至微滾再待降溫 40 度

再加入原味乳酪一茶匙半

攪勻封好

(其實前人做法係落 1000ml 加二湯匙味道不過太酸)

放入暖水中保溫 (有真空煲比較好) 放過夜

完成後出黎有點像豆腐花一樣攪幾攪馬上變身乳酪

未雪凍時會比較稀雪凍後會傑身一點

今次多落了半湯匙所以比較酸

留意如果想再做乳酪可以留起小部份下次再用

各方網友都二口同聲這機做法可以大約做四,五,六次左右

之後就要係街買新一杯做種再做乳酪以防乳酪種減弱

係度要多謝幾位網友 : tammy, jess & jessie 提供有關自家製乳酪的資料

果醬係跟 tammy 做法.... 一杯士多啤梨半杯糖不用加水 15 分鐘..... 


2011年4月16日星期六

又黎自家製新鮮意大利麵 - 壓麵機



切好麵風乾


大家好疑惑常常會問壓麵機要夾在枱上

廚房根本找不到有利位置

今日黎個大揭秘只要搵到位放壓麵機

拉開廚房的櫃門櫃桶門就已經有足夠位置夾到

係咪好奇怪呢?? 點解托盤下面有執板 

因為個洗手盤係左右大細要就自己攪手位....

個洗手盤中間有個不平既位所以放塊板好似安全一點


今次放入麵包機搓
實在太無謂搓黎都無用
因為分量啱的話出黎都係碎碎
一樣用手壓一壓再搓幾下就光滑
(害我要洗多個麵包機兜)


食譜跟之前個個只係做法改了一點

材料 x 2 一樣用semolina 杜蘭小麥粉攪到碎碎後

用手壓一壓再搓成團同光滑

真係好快易過搓麵包

跟住用保鮮紙包好再放雪櫃一小時

雪好後取兇麵團分成四分

取一份壓麵皮其餘三分要包好以免風乾

由 1 度開始壓每 1 度數壓時幾次至表皮平滑

今次用只壓至 3 度後切麵加點粉以免麵條痴左一起...風乾

過兩日才食到時試後再話比大家知點.


加埋試食 : 麵條仍有小小硬..... 效果仍未做得好.... 下次試下加一點中筋/低筋睇睇效果如何.....

白麵包 - 象印麵包機


包包好軟好難切



又係光頭仔一個

今次這款白麵包用上日清強力麵粉(即是高筋麵粉)做, 很久以前聽網友講用日清粉出黎包包會靚~~~ 不過我行開的日式超市總是沒有, 又不想專程為了一包粉跑到老遠的地方去買.
慣常動作午飯時到公司附近的日式超市走一轉, 內裡貨架有點變動, 只好慢慢行睇一睇有無有需要的東西買, 行到有麵粉賣的貨架.... 有啦.... 從未見過有馬上要了一包強力粉, 又見到有薄力小麥粉及小麥粉, 兩隻是有分別, 我不懂得日文, 只見有細細個圖案及有一點漢字..... 買了包有筷子夾麵圖案的薄力小麥粉, 因為我想做烏冬. 事後找懂得日文的網友代為確認一下圖案及字, 好在我都估得中..... 週末及假期可以試做烏冬.
之前都有用過日本粉, 不過是在烘焙店買, 講真我分不出同金像的分別. 這次日清的強力粉細看一下, 先講包裝好貼心有拉練袋口, 用不完的麵包拉一拉不怕會潮濕, 打開袋索一索味道, 再索一下金像粉感覺日清粉味淡一點點 (真係只差一點而已) 還帶一點清甜的感覺 (又係只差一點點). 這些一點點我係要索完又索才感覺得到.... 至於摸上手上兩隻都滑, 不過日清又係滑一點點...... 不知道咁多一點點加埋做出來的包包會與別不同. 等待完成烘焗時間,尚有十多分鐘才完成,睇一睇跟機食譜烘培時間又想起有網友有提過早 8-10 分鐘出爐,見包包皮已上色反正這個包不是堅實麵包所以早 12 分鐘出爐,看一看效果如何.

今早切開做蛋碎三文治,真的包包好軟,不過比用金像做的包小了一點點麵粉香.又忘記了做札實一點的麵包,人老左無記性
白麵包
水 2/3 杯
日清強力粉 2 杯
奶粉 1-1/2 湯匙
糖 1-1/2 湯匙
鹽 1 茶匙
快速酵母 1 茶匙
用 regular 程式, 皮 regular 再用 timer set 好出爐時間禁 Set

2011年4月12日星期二

乳酪麵包 - 象印麵包機


光頭仔黎啦.....

這個包雖然軟熟但係密度不夠高.......
睇黎都要改一改佢先

昨日跟網友提起自家制乳酪, 想了好一段日子, 睇過不同的做法. 見過有機賣可以做乳酪, 乳酪粉+水放入一個類似保溫盒的東東... 又見過有用電鮮的機加一點粉(好像用作發酵) 兩款都要幾小時才完成. 我真係唔知點攪, 所以一直在睇, 亦有見過不用機, 鮮奶+原味乳酪同樣可以做出乳酪. 加水的有點懷疑好像在是化學物制成, 用電的那種又要買部機雖然價錢不太貴, 已經一屋都係機好似有點那過, 還是試下網友推介的方法, 做不到的話才買機. 材料已經買好, 只是未有時間去做等下先. 

反正買了兩杯乳酪開一杯做麵包, 這個麵包已經想做好耐只因沒有乳酪一直閒置. 開一杯試下做包. 開機搓包時觀察過麵團比較濕, 不過想睇一睇水份多會點由得佢搓, 反正用機搓對於我雙手無影響唔會濕漉漉的感覺. 

成品做出非常軟的包包,  成品感覺好軟熟好淋 (其實我比較喜歡不太反柔軟之中有質感, 仍舊一樣這個不是我杯茶) 諗諗改一改食譜先... 這個食譜是來自我 "心" 麵包一書. 入面有個用小量酵母慢性發酵, 書入面用的機不是我這部, 所以我照正常做落 3g 酵母照做.

乳酪麵包

水 140g

原味乳酪 50g

高筋麵粉 250g

鹽 3g

糖 25g

牛油 20g

麵包機揀 soft 程式, 除牛油外順序放入麵包機, 麵團搓成型後加入牛油, 之後等出爐. 

2011年4月11日星期一

頂角南瓜吐司 - 象印麵包機


今次頂到仲爆晒嘔左一粒仔麵團出黎
經過我呢個大國手已做左手術切左出


麵包機尚有餘溫放回發酵
又快又方便

星期六做不到頂角吐司, 今日再戰做多個試下能否頂角. 想試做南瓜好耐, 不過囡囡一早已經講明唔會食南瓜, 做包囡囡還在睡夢中不過媽媽已偷偷在做南瓜包. 不知道出來成品味道如何? 又不知道囡囡食完有什麼感覺? 我心中暗自偷笑著, 可能囡囡會接受到食南瓜.


南瓜麵包 (細 size 日本方包模放 300g 麵團)

水 71g

全蛋 16g

南瓜蓉 38g (預先蒸熟壓成蓉)

高筋麵粉 148g


鹽 2g

糖 16g

酵母 2g

牛油 15g


除牛油外, 其他材料順序放入麵包機禁 dough setting 再禁 start, 由於粉小見麵團不能貼邊打要刮刀幫忙推一推麵團到邊位打, 發好後麵團壓扁排氣, 再壓成長條型, 卷起放入方包模內, 將方包模放入麵包機內發酵 (因為麵包機內尚有餘溫可以幫助發酵) 發至 8 分滿加蓋入已預熱 200 度焗爐焗 30 分鐘即可.


2011年4月10日星期日

不能頂角既牛奶胚芽麵包 - 象印麵包機


衰多手.... 終極發酵時有多多想扁平一點.....點知攪成咁

包包用鮮奶真係好軟熟

睇下塊膜~~~


卷起放方包模再放回麵包機內發酵


昨日見到方包模想一想有了麵包機後, 好像已經打了入冷宮一段長時間, 囡囡今日去了紅十字會考試, 放工到尖沙咀海港城那邊, 路經各式各機既名牌商店, 門外總是有排隊的人在外等待, 心想我有點像鄉下婆一樣望下發生咩事......太耐無出城感覺有點怪. 

去了一間超市走了一圈, 見到有小麥胚芽賣袋子背面介紹對身體有益, 又有抗氧化, 保護身體細胞避免遊離基的侵襲. 好似好神奇....反正我見過做包包書有出現這個東東買一包用作做包包都好. 囡囡唔鐘意牛奶包包, 我心想加了其他味道落去可能會令牛奶味沒有那麼重. 

試食過仍小麥胚芽感覺唔到有什麼味道, 食時有小小奶味, 或者要試下加一點玉桂粉.

牛奶胚芽麵包 (細 size 日本方包模放 300g 麵團)

鮮奶 110g

高筋麵粉 138g

小麥胚芽 20g

鹽 1g

糖 12g

酵母 2g

牛油 12g

除牛油外, 其他材料順序放入麵包機禁 dough setting 再禁 start, 由於粉小見麵團不能貼邊打要刮刀幫忙推一推麵團到邊位打, 發好後麵團壓扁排氣, 再壓成長條型, 卷起放入方包模內, 將方包模放入麵包機內發酵 (因為麵包機內尚有餘溫可以幫助發酵) 發至 8 分滿加蓋入已預熱 210 度焗爐焗 30 分鐘即可.

P.S. 感覺上溫度可以用 200 度火都 OK 下次再試. 

2011年4月8日星期五

芝士葉型包 - 象印麵包機



出爐啦..... 做出黎既份量只此一個.....


賣相不錯~~~



麵團壓平中間一刀兩邊又一刀

麵包機做得分量小既麵團, 在搓揉過程中會有打麵團不足既問題,  麵團有小部份時間會凌空自轉, 如果不是要求太高的話還可以. 雖然我要求唔太高, 但總是忍不住手用刮刀幫一下手推一推麵團..... 今次做了 120g 粉真係小得可憐, 成品包包大小只有兩隻手掌大.

芝士葉型包

1. 水 70g

2. 全蛋 10g

3. 高筋麵粉 120g

4. 芝士粉 10g 

5. 糖 2g

6. 鹽 2g  

7. 快速酵母 2g <---- 原食譜 3g 覺得粉小不想落太多

8. 橄欖油 4g (後下)

9. 牛油溶液 小許

10. 粗海鹽 小許

11. 香草 <---- 原食譜洋莞茜屋企無改用其他



有 1-7 順序放麵包機禁 dough setting 再按 start 搓麵團至粗糙麵團再加 8 搓成光滑麵團, 麵團小天氣亦比較暖和, 感覺發到夠沒有等麵包機叫就取出麵團.

沒有麵包機用手慢慢搓情序一樣 1-7 放入鋼盤或大團用筷子攪至一團再手搓成團再加油搓揉一陣, 再取用放工作枱上搓揉至三光麵團 (麵團光滑, 工作枱光滑, 手也光滑) 取小許麵團拉下有無薄膜, 如果沒有多搓一會, 將麵團包好發酵.

第一次發酵完成取出麵團壓扁排氣, 今次不用分割,  滾圓鬆弛 10-15 分鐘, 再用麵粉棍壓成大圓餅. 用刮刀或鑊鏟壓斷麵團作花樣. 進行第二次發酵 15 分鐘左右, 發酵好後表面搽上牛油溶液, 灑上香草及粗海鹽.

預熱焗爐 180 度, 入爐 2 分鐘後取出表面噴水再入爐, 全程 15 分鐘即成.



2011年4月4日星期一

千島海鮮 Pizza - 象印麵包機



出爐啦~~~ 



多餡料....多芝士



麵皮有點求其

今日係兒童節個囡都咁大個而且過往都沒有特別慶祝, 今日一早搓定個麵團, 返工回家馬上開工好快就得食.  這個跟機食譜不錯, 囡囡都讚味道好.

千島海鮮 Pizza (可做兩個 9 寸直徑 )

水 1 杯

橄欖油 1 湯匙

高筋麵粉 2-1/2 杯

糖 1 湯匙

鹽 1 茶匙

速溶酵母 1 茶匙

油小許 - 搽烘盤用

車打芝士及 mozzarella chesse 適量

自選餡料 : 雜錦海鮮一包(預先出水), 火腿, 菠蘿

將所以材料順序放入麵包機, 禁 dough settting 再禁 start, 搓好麵團後壓扁排氣, 
在烘盤上搽上小許油, 將麵皮放上烘盤表面搽上一層油, 鬆弛 15 分鐘.

搽上千島醬再加餡料上面再加上芝士碎, 預熱焗爐 230 度焗 15-20 分鐘, 焗盤放低層烘至 10 分鐘左右將 pizza 移離焗盤直接用架烘焗.


2011年4月3日星期日

洋蔥包 - 象印麵包機



切開入面雖然洞洞很大~~~
不過非常柔軟~~~ 
洋蔥味濃, 好好食~~


個包實在太大發到上機頂掂到玻璃~~~~
比我打了一拳~~~



嘩~~~發都咁大~~~睇怕焗完頂到上頂~~~
下次都唔係預先打個麵團~~~
真係一發不可收捨~~~


打開袋子香噴噴的洋蔥味

曾經試過用新鮮洋蔥做, 不過味道總是不對. 又試過用一樽樽既洋蔥粉做, 雖然洋蔥味可是洋蔥粉入面有鹽份, 多一點會太咸, 味道跟某麵包店的仍然不同.

兩星期前在烘焙店買了一包洋蔥乾, 記得以前食過某麵包店賣的洋蔥包好好食, 包包入面見不到有洋蔥, 但是好香洋蔥味, 跟囡囡可以一次過食了一袋洋蔥包.

不過今次的做法有點怪怪就是我先打一次麵團再按正常情序用做, 因為我要偷時外出買餸. 麵包機開始焗麵包時屋內充滿洋蔥的香味, 肚子在叫了~~~

洋蔥包

A. 材料

水 174 g

麵粉 260g

糖 30g

鹽 3g

速溶酵母 3g

B. 材料

1. 牛油 30g

2. 洋蔥乾 15g

先將 A. 材料順序放入麵包機, 直接按 dough 制再按 start, 打至麵包機發出咇咇大約 8 分鐘, 加入 B.1 牛油再按 start, 打至最後 1 分量加入慢慢遂小遂小加入洋蔥乾 (不過一次過將所有洋蔥乾放入麵包機) 這樣做會比較均勻. 完成後 reset 麵包機, 再按 regular --> crutst control 揀 regular --> start 正式開始做包.