五香雞翼 - 光波萬能煮食鍋(光波爐)

簡簡單單又一餐

醃料豉油/糖/五香粉/油

高架 230 度 12 分鐘

反面 3 分鐘即成

超簡單芒果布甸

用牙籤/刀背係邊位輕輕了開就可以甩模

這個心急所以甩模時整爛邊邊無咁靚

材料攪勻後入模

見網友講起做這個芒果布甸, 真係而非常簡單又好食, 小朋友
就最鐘意. 簡單制作做法, 正合我這個大忙人. 真係多要多謝呀
旺同彭豬, 係又係彭豬佢整嘢食真係好叻. 

我同囡囡已經一人一個 kitty 往肚裡送, 囡囡試食後覺得比較係
街食既黐口, 但就覺得 ok 好味....

超簡單芒果布甸

芒果啫喱  一盒

熱水 一碗  

鮮奶 一碗   

芒果  (起肉切粒)


將芒果啫喱用熱水開溶, 之後放涼備用(記住一定要放涼) 之後加
入鮮奶攪勻, 最後加入芒果粒, 入模加保鮮紙雪三小時即成。

蒜蓉牛油 (蒜蓉包)

早兩天和女兒到超市一遊, 見到有新鮮出爐法包, 內心一動想
食蒜蓉包, 就這樣帶宅回家.  放到昨日終於用蒜蓉攪碎器攪了
半碗蒜頭, 晚上 bbq 時可以燒蒜蓉包.

蒜蓉牛油

蒜頭大半個

牛油量跟蒜頭大小差不多

鹽小許

欖油小許

basil leaves 適量(可加可不加)

蒜頭切碎 (要切到很幼細) 起油鑊要細火用小許欖油加蒜蓉爆一
爆再加牛油 (如只用牛油會好快揮發了),  炒至有香味加入
basil leaves (可加可不加), 熄火盛出放涼即成.

**將蒜蓉牛油加上法包高架按翻脆制即可.

炆薯仔排骨伴意粉

今次又誤打誤撞做出一個餸, 原本只係做了個普查炆排骨, 高

速煲完成解鎖後, 煲蓋一開好多水有小小似湯, 水太多導致水

汪汪, 唯有硬著頭皮煮落去, 開大火讓水份快一點蒸發掉, 幸好

薯仔切得比較大件.... 最終可以成一個炆薯仔, 不知何故我突

然想加 basil leave 落去, 好加落去試味, 非常配好有老外感覺.

炆薯仔排骨伴意粉

薯仔三個 (size 比較大) 切大件

排骨適量 (切大件)

汁料 : 豉油適量, 蠔油適量, 糖適量

basil leave 適量

燒熱高速煲多放一點油, 煎薯隻至兩面表面金黃取出, 再將排骨落
鑊兜一兜將薯放回煲內, 加料料及水至材料一半, 滾起後加高速煲
蓋, 上鎖後 8 分鐘熄火, 待解鎖後開蓋加熱至汁料收乾加入
basil leave 即成.....

意粉 : 鍋內放水至滾起加入意粉, 一茶匙鹽, 欖油, 11 分鐘
 (請參考包裝上指示時間), 因為今次不用再回鑊所以熄火留在煲內炆幾分鐘.